Fasnachtsbricht 2017

IMG_1756

Laider hets wie im 2015 e baar Absänze gä, was uns aber nit draa ghinderet het durch d Gasse z ruesse.

Aimool me het sich e Hampfle Nonne im Claragrabe droffe. Aber nid wie allewyyl am halbi ains. In däm Joor isch no dr Fasnachtszyschtiggrubbezyyglivielzfriehfürmirhieme (oderso)mit anderne VKBler uf em Programm gstande. Dorum het me sich aaschliessend mit glaine Auge bim Gifthüttli droffe.

Drnoo aber isch dr traditionelli und offizielli Träffpunggt bim drey Keenig gsi. Nach em Grubbebild hets zum erschde Mol  ,,Yystooh!“ ghaisse.

Wills jedes Joor mit dr alte Garde vo dr VKB rötzt het me sich au in däm Joor wiidr fiir e baar Rhieme droffe.

IMG_1717

S zNacht hets wie allewyyl im Glaibasel gä und übere sin mr ganz traditionell mit dr Fäähri.

Gsterggt vom dinniere het ys dr Vortrabchef ans Rhyybord gfiehrt. E sehr scheene Ort zem an dr Fasnacht z gässle. S hets ys denn aber bald emool widr ins Grossbasel zooge.

Deert hets e baar Rhieme mit eme gmischte Huffe vo divärse Drummelgrubbene gä.

Do mr in dr nöchi vom Minschter gsi sinn, hänn mr ys entschiide dr obligatorisch “Minschterlauf“ z mache. (Mir hän ys ufteilt und sin drummelnd um die viele Latärne gloffe.)

Ab zem letschte Halt in Stadtkäller ischs gange. Mr hän ys drno entschide langsam widr ins Glaibasel z go und hän dä Fasnachtszyschdig mitme gmietlige Schlussriehme über die mittleri Brugg usklinge loo.

So goht au dä Fasnachtszyschdig z Änd. (03:20)

Dr nägschd kunnt jo scho bald widr und s isch e spezielle – 5 Joor D’Fummler. (20. Hornig 2018)

 

Zämme!

 

Photene Fasnacht 2017

Filmli Fasnacht 2017

Advertisements